Oğuz rayonunda 27 sentyabr Anım Günü münasibətilə tədbirlər keçirilib
Oğuz Rayon İcra Hakimiyyətinin Başçısı Cavid Əbdul-Qədirov, YAP rayon təşkilatının sədri, rayonun hüquq-mühafizə orqanlarının, idarə, müəssisə, təşkilatların rəhbərləri, şəhid ailələrinin üzvləri, qazilər, müharibə veteranlar, rayon ictimaiyyətinin nümayəndələri 27 sentyabr-Anım Günü münasibətilə Xaçmaz kənd Şəhidlər Xiyabanında və Oğuz şəhər Şəhidlər Xiyabanında vətənimizin azadlığı uğrunda canlarını qurban vermiş Şəhidlərimizin məzarlarını və xatirələrinə inşa edilmiş abidəni ziyarət etmiş, məzarların və abidənin üzərinə güllər düzmüş, ruhlarına öz ehtiramlarını bildirmişlər.
Rayon İcra Hakimiyyətinin Başçısı ziyarət zamanı Şəhid ailələrinin üzvləri, qazilər və veteranlarla görüşərək söhbət etmişdir.
Respublikamızın bütün bölgələrində olduğu kimi Oğuz rayonunda da saat 12:00-da şəhidlərin xatirəsi bir dəqiqəlik sükutla yad olunub, nəqliyyatın hərəkəti dayandırılıb, avtomobillər vasitəsi ilə səs siqnalları verilib.
