“Azərbaycan Dövlət Aqrar Universitetini tanıdaq” layihəsi çərçivəsində görüş
Görüşdə Oğuz Rayon İcra Hakimiyyətinin Başçısı cənab Eyvaz Qurbanov, Azərbaycan Dövlət Aqrar Universitetinin rektoru, professor İbrahim Cəfərov, Oğuz Rayon Təhsil Şöbəsinin müdiri Anar Məcidov, Oğuz Dövlət Aqrar İnkişaf Mərkəzinin direktoru Azad Əliyev, rayon ictimaiyətinin nümayəndələri, müəllimlər və məktəblilər iştirak edib.
Əvvəlcə Azərbaycan Dövlət Aqrar Universiteti haqqında videoçarx təqdim olunub.
Görüşdə Oğuz Rayon İcra Hakimiyyətinin Başçısı Eyvaz Qurbanov, rektor İbrahim Cəfərov ölkədə aqrar sahənin inkişafından, bu sahəyə dövlətin qayğısından, universitetin əldə etdiyi uğurlardan və tələbələrə göstərilən qayğıdan danışıb. Professor onu da qeyd etdi ki, təhsil müəssisəsi digər xarici dövlətlərin universitetləri ilə əməkdaşlıq edir. Aqrar sahələrdə təcrübə mübadiləsi məqsədilə tələbələrin xarici ölkələrin ali məktəblərinə ezam olunmasına xüsusi diqqət yetirilir.
Daha sonra Oğuz rayon Kərimli kənd tam orta məktəbinin direktoru Sahib Camıyev və Xaçmazqışlaq kənd tam orta məktəbinin məzunu olan hazırda ADAU-nin tələbəsi çıxış etmişlər. Tədbirin gedişində Aqrar Universitetinin rektoru İbrahim Cəfərov XI sinifdə oxuyan şagirdlərin universitetlə bağlı suallarını da cavablandırmışdır.
