Oğuz rayon İcra Hakimiyyəti başçısının hesabat iclası
21 fevral 2017-ci il tarixdə 2016-cı ildə Oğuz rayonunun sosial--iqtisadi inkişafı və qarşıda duran vəzifələrə dair rayon İcra Hakimiyyətinin başçısının hesabat iclası keçirilmişdir.
İclasda Azərbaycan Respublikası Milli Məclisinin Deputatı Aqiyə xanım Naxçıvanlı, Azərbaycan Respublikası Prezidenti Administrasiyasının məsul işçisi Rüfət Əliyev, şura üzvləri, İcra Hakimiyyəti aparatının məsul işçiləri, hüquq-mühafizə orqanlarının rəhbərləri, idarə və təşkilat rəhbərləri, inzibati ərazi vahidləri üzrə nümayəndələr, bələdiyyə sədrləri, ictimaiyyətin nümayəndələri iştirak etmişdir.
Öncə yığıncaq iştirakçıları Ümummilli lider Heydər Əliyevin abidəsi önünə gül dəstələri qoymuşlar.
Oğuz rayonu Kənd Təsərrüfatı idarəsinin rəisi Azad Əliyev, Su Kanal İdarəsinin rəisi Akif Hümmətli, rayon Mərkəzi Xəstəxanasının baş həkimi Anar Əzizov, Milli Məclisin deputatı Aqiyə Naxçıvanlı, Azərbaycan Respublikası Prezidenti Administrasiyasının məsul işçisi Rufət Əliyev çıxış edərək 2016-cıi ildə respublikamızda eləcə də Oğuz rayonunda görülmüş işlər və qarşıda duran vəzifələrdən danışmışlar.
Sonda iclas iştirakçıları adından Azərbaycan Respublikasının Prezidenti cənab İlham Əliyevə müraciət oxunmuşdur.
