Oğuzda cəbhə xəttində baş verən hadisələrlə bağlı geniş müşavirə

4 aprel 2016-cı il tarixdə oğuz rayon Mədəniyyət Mərkəzində  aprelin 1-dən 2-nə keçən gecə cəbhə xəttində baş verən hadisələr, bununla  bağlı Azərbaycan Respublikası Prezidentinin yanında  Təhlükəsizlik Şurasının islası, ölkə Prezidenti cənab İlham Əliyev məsələyə münasibəti və verilmiş tapşırıqlarla əlaqədar ümumrayon toplantısı keçirilmişdir.
Toplantını giriş sözü ilə açan rayon İcra Hakimiyyətinin başçısı Eyvaz Qurbanov bildirdi ki:
2016-cı il aprelin 1-dən 2-nə keçən gecə erməni silahlı qüvvələri müxtəlif istiqamətlərdən Azərbaycan Silahlı Qüvvələrinin mövqelərinə hucuma keçmiş yaşayış məntəqələrimizi atəşə tutmuşlar. Bu silahlı təxribat nəticəsində itkilərimiz olmuşdur. Hərbiçilərimiz və mülki şəxslər həlak olmuşlar. Cavab olaraq Azərbaycan Silahlı Qüvvələri bütün istiqamətlərdən əks hücuma keçərək düşmənin mövqelərinə sarsıdıcı zərbələr vurmuşlar.
Aprelin 2-də məsələ ilə bağlı Azərbaycan Respublikası Prezidentinin yanında  Təhlükəsizlik Şurasının islası keçirilmişdir. Ölkə Prezidenti cənab İlham Əliyev məsələyə münasibət bildirmiş və müvafiq tapşırıqlar vermişdir.
Hadisə zamanı həlak olanları xatirəsi 1 dəqiqəlik skutla yad edilmişdir.
Sonra YAP Oğuz rayon təşkilatının sədri Saleh Məhərrəmov, Rayon Ağsaqqallar Şurasının sədr  müavini Xalid Babayev Azərbaycan Qarabağ Əlilləri, Veteranları və Şəhid Ailələri İctimai Birliyi Oğuz   rayon Təşkilatının sədri  Müşfiq İsmayılov və Şəhər 1 saylı tam orta məktəbinin müəllimi  mövzu ətrafında çıxışlar etmişlər.